Җырчы, телетапшырулар алып баручы Эльвира Фазлыева ЭКО ясатырга җыена.
«Мин клиникада йөрим, әкренләп ЭКО ясатырга әзерләнә башладым. Бүген билгеләнгән тикшеренүләрнең берсен уздым. Минем Аидочкам да шушы клиникада дөньяга килгән иде», – дигән ул.
Аңа кадәр Эльвира Фазлыева ЭКО өчен акча җыюын, әмма тагын бер тапкыр әни булу бәхетен татырга мәрхүмә кызы Аиданың әтисе Александрның ирек бирмәве турында сөйләгән иде.
«ЭКО ясатырга минем чиратым инде җитте. Моннан тыш, минем эмбрион да бар, ул – кыз, без беләбез. Ләкин Аиданың әтисе теләсә кайсы вакытта аны юк итәргә әзер, ул аны миңа бирми. Ә мин аңардан ялварып сорыйм. Акча да сорамыйм, барасын да үзем эшлим, дим. Син аны беркайчан да күрмәячәксең, дим. Ләкин ул эмбрионны юк итәргә әмер бирергә тора. Күз алдыгызга да китермисез, моның өчен ничек йөрәгем өзгәләнә», – дигән иде җырчы.