Тапшырулар алып баручы Эльвира Фазлыева белән җырчы Зарина Асылкаева «Давай поженимся» тапшыруына бара. Ләкин кияү эзләү максаты белән түгел. Кызларны Мәскәүгә үзе белән дуслары, эшмәкәр Марат Мифтахов чакырган. Эльвира белән Зарина Маратка 3 кыз арасыннан бер асылын сайлап алырга ярдәм итәчәк.
«Эльвира да, Зарина да – якын дусларым. Үз тормышымда күп ялгышлар эшләдем. Алар миңа, үзләренең фикерләрен әйтеп, мин ялгышмас өчен, киңәшләрен бирәчәк.
Аннан соң булачак хатыным белән бергәләп утырып, менә шулай чәйләр эчәрбез», – дип сөйләгән «кияү егете».