Элвин Грейның якын дусты вафат булган
Җырчы Әлмәттәге Айрат Хәмидуллин җитәкчелегендәге оешма белән Elvin Grey продюсерлык үзәген проектлау буенча эшләгән.
Элвин Грей исеме белән җырлаучы Радик Юлъякшинның дусты үлгән. Бу турыда ул инстаграмдагы сәхифәсендә язып куйды.
«Бүген минем якын дустым — Айрат Хәйретдинович вафат булды. Бик мәрхәмәтле кеше иде. Бик авыр», — дип яза ул.
Айрат Хәмидуллин төзелеш компаниясе җитәкчесе булган. Ул Elvin Grey продюсерлык үзәген проектларга ярдәм иткән. Бу турыда 2017 елда Радик үзе язган. Ул Айрат Хәмидуллин белән төшкән фотоларын да пост итеп куйган булган. «Әлмәттәге „Прокомп“ проект-төзелеш компаниясенә кердек әле. Бу оешма белән Elvin Grey продюсерлык үзәген проектлау буенча тыгыз эшлибез. Оешма белән Айрат Хәйретдинович идарә итә», — дип язган җырчы.