Элвин Грейны Интернетта ничек эзлиләр?
Бу хакта “Татар-информ”да узган матбугат очрашуында җырчының продюсеры Александр Слюсаренко әйтте.
- Яндекс статистикага карасак, нәтиҗәләр мондый. Элвин Грейны русча язып, 250 мең кеше эзләгән. Elvin Grey дип инглизчә язып, 27 мең кеше карый. Җырчыны Радик Юльякшин исеме белән рус телендә 68 мең кеше эзли. Башкортча 1,5 мең кулланучы эзләп таба, - диде продюсер.
Слюсаренко сүзләренчә, татар-башкорт йолдызын татарча язып эзләүчеләр дә бар.
“Татарча эзләүчеләр саны башкортчадан әзгә генә күбрәк”, - диде ул. Әмма төгәл санын әйтмәде.
Александр Слюсаренко сүзләренчә, моңа кадәр Элвин Грей документларда Elvin Grey исеме белән иглиз телендә язылса, хәзер исә, ихтыяҗга карап, Элвин Грей брендын рус телендә куллану буенча документлар әзерләнә.