Элвин Грей үзенең "тавышсыз җырчы" булуын таныган
Радик Юльякшин БСТ каналы журналисты Рөстәм Зарафутдиновка интервью биргән.
Журналист Радик Юльякшиннан акустик травмасының нәтиҗәләре турында сораштырудан башлый.
Мин хәзер элекке кебек ишетмим. Колаклар томалангана бит. Шулай булды. Әмма бераздан соң ул җибәрә. Бер сәгать узды – шулай ук. Хәзер мин югары тавышларны бөтенләй ишетмим. Хастаханәгә барган идем, шунда ук салдылар. Бу музыка язарга комачаулый, - ди җырчы.
Ул “Элвин Грей” феноменының төп сәбәбе хезмәт дип атый. “Барысы да нульдән башланды”, - ди җырчы. “Мин җырлаганда яшь кызлар гына иде. Тормыш турында җырлап карадым, егетләр барлыкка килде. Аннары мужиклар өчен язып карадым. Соңыннан продюсерлар чакыра башлады. Биш ел Мәскәүдә утырып альбомнар яздырдым. Шунда Элвин Грей барлыкка килде”, - ди ул.
Сезне күпләр тавышсыз дип саный. Шул исәптән мин дә вокал күрсәткечләрегез югары дип санамыйм, - дип сорый журналист.
Тулысынча риза.
Ничек инде? Җырчыны сайлаганда мин тавышны сайлыйм.
Күңел җырлый. Концерт бирү өчен тавыш кирәк дип санамыйм. Музыкаль мәктәптә уку мәҗбүри түгел. Мин классик җыр башкара алмыйм. Миңа кирәк тә түгел.
Тавышсыз Элвин Грей дигәнгә үпкәләмисезме?
Теләсә ни әйтсеннәр.
Уфа Аренада концерт күпме тора?
3 миллион.
Ә күпме җыеп аласың?
Ике, бәлки өч тапкыр күбрәктер.