Элвин Грей йөргән кызы белән фотога төшкән: «Туй буламы? Бер-берегезгә пар килгәнсез»
Элвин Грейның йөргән кызы Инзилә бергә төшкән фотоларын Инстаграм битенә урнаштырган. Халык яшь парның туйлары турында кызыксына башлаган.
Сез үзегезнең кешегезне һич тә көтмәгәндә, гадәти көнне, иң гадәти эшләр белән шөгыльләнгәндә табасыз. Бу теләсә кайсы моментта, хәзер яки берсекөнгә була ала. Сез бары бер тапкыр очрашасыз, бер-берегезгә карыйсыз, нәрсәдер турында сөйләшәсез һәм инде мең ел элек таныш булган кебек хис итәсез. Тылсым килеп чыга. Сез әлегә бу турыда белмисез, әмма галәмдә инде барысы да хәл ителгән. Һәм сез үз мәхәббәтегезне очратасыз, — дип язган Инзилә.
«Туй кайчан була? Сез бер-берегезгә пар килгәнсез. Сез искиткеч гаилә булачаксыз!», «Менә бәхет кайда!», «Ниһаять, бердәнберен тапкан», — дип язганнар фото астына.