Элвин Грей Питерда төнлә музейны ачтырып кергән
Санкт-Петербургта Социалистик көнкүреш музеенда Элвин Грей өчен аерым экскурсия ясаганнар. Бу турыда «Татар-информ» хәбәрчесенә музей директоры Рөстәм Вәлиәхмәтов сөйләгән.
Музей ябылгач кына, Элвин Грей җанатарларын лимузинга төяп килеп җиткән. Җитәкчеләр артист өчен музейны яңадан ачып, экскурсия ясаган.
Лимузин килеп туктагач, бөтен Питерга татар музыкасы яңгырады, дип сөйләгән директор.
Элвин Грей белән танышканчы музей директоры җырчы турында ишетмәгән дә булган. Әмма артист "әйбәт, аралашучан кеше булды" дигән ул. Экскурсиядән соң җырчы музей директорына лимузинда шәһәр урамнары буйлап әйләнергә тәкъдим ясаган. Вәлиәхмәтов моңа бик теләп риза булган. "Киләчәктә күргәзмәгә джинсыларын сорармын" дип, Юльякшинның номерын алган булган. Казандагы социалистик көнкүреш музееның Санкт-Петербургтагы филиалы былтыр ноябрь аенда эшли башлады. Февральдә "Культ күренеш буларак джинслар" күргәзмәсен оештырырга җыеналар.
