Элвин Грей белән Инзилә Фәтхетдинованың туй мәҗлесенә кемнәр чакырылган?
Туйда бик күп танылган җырчыларны күрергә мөмкин.
Хәзерге минутларда Уфаның «Торатау» ресторанында Элвин Грей белән Инзилә Фәтхетдинованың туй мәҗлесе гөрли.
Бәйрәмнең күңелле мизгелләре белән туйның кунаклары Данир Сабиров белән хатыны Миләүшә Сабирова, Әнвәр Нургалиев, Зәйнетдин, Ябай-Малай һәм башкалар уртаклаша. Элвин Грей белән Инзиләнең бәйрәмендә Салават Фәтхетдинов, Филүс Каһиров, тормыш иптәше Зилә ханым белән Айдар Галимов та бар. Җырчы Иркәнең дә сторисларында Уфа ягына юл тотуы күренә.
Артистлар барысы да актив рәвештә сторислар төшерә, ел туеның иң кызыклы кадрлары белән бүлешә. Мәсәлән, Ябай-Малайның сторисларында яшьләргә машина бүләк иткәннәрен күрергә мөмкин.
