Элвин Грей Башкортстан башлыгының киңәшчесе итеп билгеләнгән
Җырчы Башкортстанда мәдәниятне һәм яшьләр сәясәтен үстерү мәсьәләләре белән шөгыльләнәчәк.
Башкортстанның атказанган артисты, популяр җырчы Элвин Грей Башкортстан башлыгының мәдәниятне һәм яшьләр сәясәтен үстерү мәсьәләләре буенча киңәшчесе итеп билгеләнгән. Бу хакта ТМТВ каналы хәбәр итә.
Элвин Грейга инстачылар һәм иҗатташ дуслары яңа вазифасында уңышлар теләгәннәр. «Болай булса, президентлыкка да ерак калмый», — дип яза алар.
