«Интертат» ка билгеле булганча, музыка сәнгатен үстерүгә керткән өлеше өчен җырчы Радик Юльякшинга (Элвин Грей) Татарстанның атказанган артисты исеме бирелгән.
Әлеге хәбәрне раслауларын сорап, Элвин Грейның концертлар эшчәнлеге белән шөгыльләнүче кешесенә шалтыраттык. «Бу хактагы указга кул куелган булырга тиеш. Әмма безгә исем бирелүе турында шәхсән хәбәр итүче дә, аны тапшыручы да булмады әле», – диде ул безгә, исемен язмауны үтенеп.
Башкорстанның атказанган артисты исеме Элвин Грейга 2017 елда бирелгән иде.
