Эльмира Кәлимуллина Яңа ел турында җыр яздырган
Эльмир Низамов белән Резедә Гобәева язган җырга клип төшергәннәр.
Татарстанның атказанган артисты Эльмира Кәлимуллина Яңа ел турында яңа җыр яздырган. Бу турыда ул инстаграмдагы сәхифәсендә хәбәр итте.
«Кадерле дуслар! Безнең бүген премьера — яңа клип! Яңа ел бәйрәме, миңа калса, иң тылсымлы бәйрәм! Һәм бу бәйрәмдә, әлбәттә, бүләксез булмый. Яңа җырның өр-яңа клибын тәкъдим итәбез», — дип яза ул.
Җырның көен Эльмир Низамов, сүзләрен Резедә Гобәева язган.
Инстачылар клипны ошаткан.