"Кызлар күңеле"
Гамил Авзал сүзләре, Тәлгать Шәрипов көе
Чирәмнәргә
Чык төшермим,
Урамда йөрим дә мин,
Берәүне күзлим дә мин.
Йөрәгемне
Һич төшенмим,
Сөям дә, сөймим дә миң,
Ятка сер бирмим дә мин.

Сөйгәнемә
Серләрем бар,
Серләрем серләшмимен,
Күрешкәч эндәшмимен.
Үзәкләрне
Өзәрлек яр,
Үзенә сиздермимен,
Үземнән биздермимен.

Ялындырмый
Яр сөймиләр,
Йөрәге янсын әле,
Күмергә калсын әле.
Үрелсә дә үптермимен.
Үзенә алсын әле,
Үземә булсын әле…