Җырчы гаилә Рафил Җәләлиев белән Эльмира Гыйльфановаларның көтеп алган бәләкәчләренә дә тиздән 5 ай була икән. Яшь әни социаль челтәрдәге сәхифәсендә кечкенә Хәятнең һөнәрләрен атаган.
«3 айдан актив әйләнеп ята башлады, юынырга бик ярата, көйләп сөйләнә, юыну бүлмәсендәге су бойлеры белән сөйләшә, урамга чыгу – бер бәла, коляскада тик ятмый, ятсына башлады... Күп әле анда...» – дип язган Эльмира Хәятнең һөнәрләре белән кызыксынучыларга. Кыскасы, ул баласын бер сүз белән: «Артистка», – дип тасвирлаган.
Шулай ук, Хәятне әтисенә охшатучылар булган. Бу – якыннан күреп белүчеләр булса кирәк. Чөнки әлегә яшьләр баланың йөзен социаль челтәрләрдә күрсәтмиләр.
Фотолар: Эльмира Гыйльфанованың социаль челтәрдәге аккаунтыннан