Элла Памфилова: «Дәүләт Думасына сайлауларда катнашу күрсәткече 59,32 процент»
Россия Үзәк сайлау комиссиясе рәисе Элла Памфилова Дәүләт Думасына сайлауларда катнашу күрсәткеченең 59,32 процент булуын хәбәр итте.
Тавыш бирүдә 62,6 миллионнан артык кеше катнашкан. Бу хакта ул комиссиянең мәгълүмат үзәгендә узган брифингта белдерде, дип яза ТАСС.
Памфилова китергән мәгълүматлар буенча, протоколларның 95 проценты эшкәртелгәннән соң, 62 619 380 сайлаучы тавыш биргән.