Актриса Елизавета Боярскаяның улы туган. Бу хакта аның туганы, Госдума депутаты Сергей Боярский RT каналына хәбәр иткән. «Лиза малай тапты, сәламәт, котлыйм, калганын әти-әни сөйләр. Әти-әниемне һәм Лиза белән Максимны котлыйм. Бу без күптән көтеп алган гаилә әгъзасы. Барысы да әйбәт», — дигән ул. Бу Елизавета Боярскаяның икенче баласы. Актриса 2010 елда актер Максим Матвеев белән никахлашты. 2012 елда аларның уллары Андрей туды.Елизавета Боярская - халык артисты Михаил Боярскийның кызы. Ул 1985 елда Ленинградта туган. Утыздан артык нәфис фильмда төшкән, шулар исәбендә "Ирония судьбы. Продолжение", "Адмиралъ", "Человек с бульвара Капуцинок", "Первый после Бога" кебек зур популярлык казанганнары да бар.
