Элеккеге полиция хезмәткәре 26 кешене аткан, аннары үзенең хатынын һәм өч баласын үтергән
6 октябрьдә Таиландтагы мәгариф үзәгенә кораллы ир-ат һөҗүм иткән. Аның элек полициядә эшләве билгеле. Ир-ат, пикап машинасына утырып, Накланг районында урнашкан үзәккә килә. Бинага керә һәм ата башлый. Бу турыда Thai Post басмасына сылтама белән «Вести» каналы хәбәр итте.
Урында 26 кеше һәлак була. Аларның 22се балалар булуы билгеле. Берничә кеше хастаханәдә ята.
Берничә сәгатьтән аның мәетен үз фатирында табалар. Якынча версия буенча, ул үзенең хатынын һәм өч баласын да атып үтергән. Соңыннан ир-ат үз-үзенә кул салган, диелә бу хәбәрдә.