2026 ел ахырына кадәр тагын өч кыска эш атнасы көтелә. Бу хакта җитештерү календаренә сылтама белән «РИА Новости» хәбәр итә.
Иң якын кыска эш атнасы июнь аенда: 8 июньнән 11 июньгә кадәр эш көннәре, 12 июнь — Россия көне – ял көн. Нәтиҗәдә, россиялеләр өч көн рәттән ял итә ала.
Киләсе кыскартылган эш атнасы ноябрьгә туры килә. 4 ноябрьдә Халыклар бердәмлеге көне бәйрәм ителү сәбәпле, эш көннәре 2, 3 һәм 5, 6 ноябрьдә булачак.
Тагын бер кыска эш атнасы ел ахырында көтелә. Россиялеләр 28–30 декабрь көннәрендә эшләячәк. 31 декабрь, пәнҗешәмбе, ял көне булачак, аннан соң Яңа ел каникуллары башлана, диелә хәбәрдә.