Иртәгә, 30 октябрьдә, Екатеринбургта халык мәдәниятен, милли сәнгатьне һәм җанлы музыканы яратучылар өчен бәйрәм чарасы — Татарча гармун кичәсе оештырыла. Матур гадәткә әйләнгән очрашуга халык моңнарына битараф булмаган барлык кунаклар чакырыла, дип яза «Татар-информ».
Программада:
- Тарихи сәхифә: татар гармуны барлыкка килү, аның милли иҗаттагы урыны һәм тарихы турында кызыклы мәгълүмат;
- Җанлы музыка: таныш һәм барысы да яраткан халык җырларны гармунга кушылып башкару;
- Уртак сәхнә: җырларга яки биергә яратучылар өчен ачык мәйданчык.
Кичә 19:30 сәгатьтә башлана.