«Эфир-Чаллы» телеканалының элеккеге директоры Евгений Капустин 57 яшендә үлгән. Ул телеканал белән 1998-1999 елларда җитәкчелек итә. Бу турыда «Челнинские известия» яза.
Ул Чаллыда үз өендә вафат булган. Мәрхүмне бүген соңгы юлга озаталар.
90нчы елларда аны үтерергә маташалар. Чаллы «Эфир»ы җитәкчесе булып эшләгән Капустинның шәхси машинасын «Татарстан» кунакханәсе янында 1999 елның 4 мартында шартлаталар. Ул чакта Капустин үзе яралана. Аннары аның аягын ампутациялиләр, диелә хәбәрдә.
Әлеге мәгълүматны телекомпания җитәкчелеге дә раслады. Бу турыда «Татар-информ» хәбәр итте.