Новосибирск шәһәрендә яшәүче ир-ат элеккеге хатынын скотч белән бәйләп куйган һәм 1 тәүлек буена кыйнаган. Хатынның эчке органнары ярылган, бик күп урыннары имгәнгән. Бу турыда РЕН ТВ хәбәр итте.
8 февральдә кич белән ир-ат элеккеге хатыны фатирына кунакка килә. Алар бергә хәмер эчә, аннары ир ишекне бикләп куя һәм хатынның аяк-кулларын скотч белән бәйли.
«Бер тәүлектән артык ир-ат бәйләнгән хатынны кыйный. Икенче көнне кичкә таба хатын телефон табып, полициягә шалтырату җаен таба. Урынга килгән хокук саклаучылар ир-атны тоткарлый», – дигән канал чыганагы.
Кыйналган хатынны «ашыгыч ярдәм» белән реанимациягә алып китәләр. Аның эчке органнары ярылган, гематомалар һәм травмалар күп була. Хәзер табиблар аның гомерен саклап калу өчен тырыша.
Ир-атка карата җинаять эше ачылган, диелә хәбәрдә.