Дзюдо буенча чемпионны чиратта торганда үтергәннәр

Казахстанның Семей шәһәрендә республикакүләм чемпионатларда җиңгән Жасулан Абиевны үтергәннәр. Бу турыда Казахстан матбугат чарасына сылтама белән РЕН ТВ каналы хәбәр итте.

Фаҗига 12 ноябрьдә була. Спортчы ташкүмер алу өчен карьерда чиратта тора. Шунда Абиев бер ир-ат белән талаша башлый. Алар сугышырга тотына. Дзюдочының башы имгәнә һәм ул шунда ук үлә.

Тикшерүчеләр җинаять эше ачкан. Үтерүдә шикләнелүче ир-ат тоткарланган. Ул 24 яшьлек егет булып чыккан.

Жасулан Абиевка 33 яшь булган. 2010 елда ул спорттан китеп, бизнеска керешкән.