Levi’s бренды компаниясе хезмәткәрләре джинс чалбар юу буенча киңәш биргән. Бу турыда «МК» сайты язды.
Джинс тукыманы аена бер тапкыр гына юарга ярый икән. «Деним бик ныклы тукыма. Аны еш юарга кирәкми», — дип аңлатканнар Levi’s хезмәткәрләре.
Джинс бик пычранса гына, аны кер машинасына салыгыз. Моның өчен эчке ягын әйләндерергә кирәк. Кер юу машинасына кара төсле әйберләр белән генә салырга ярый.
Джинс тукыма юганда порошок сыек хәлдә булырга тиеш, анда агарткычлар да булмасын. Су салкынча булырга тиеш. Чалбарларны ачык һавада һәм эчке ягын әйләндергән килеш киптерергә кирәк.
