Оренбургта яшәүче ир-ат дустын балта белән чабып үтергән һәм мәетен ташландык су чокырына яшергән. Бу турыда Тикшерү комитетына сылтама белән «Вести» каналы хәбәр итте.
Мәетне 14 майда «Яшма» бакчачылык ширкәтендә табалар. 61 яшьлек ир-атның башында чабылган ачык яралар була.
Үтерүдә шикләнелүчене 1 тәүлектән соң табалар. Сорау алганда ул иптәшен 11 майда үтерүен сөйли. Дуслар талашлар. Шуннан соң берсе кулына балта ала, дустының башына берничә тапкыр суга. Ул җинаяте турында сөйләргә җыенмый – шуңа күрә мәетне ташландык су чокырына ыргыта. Мәетне 3 тәүлек узгач кына табалар, диелә хәбәрдә.
