Дәүләт Думасы депутаты Виталий Милонов ир-атлар сөйгәннәренә 8 Мартка бүләк итә алырдай иң яхшы бүләкне әйткән. Депутат фикеренчә, хатын-кызга бәйрәмгә иң яхшы бүләк – йөклелек. Бу хакта ул «Говорит Москва» радиосы эфирында әйткән, дип яза «Газета.Ru» сайты.
«Хатын-кыз өчен иң яхшы бүләк – тагын бер кат балага узу. Бала – чын шатлык. . <...> Мөмкин булса, ирләр чын ир булырга тиеш. Юк икән инде, ул вакытта чәчәкләр һәм башкасын куллана», – дигән депутат.
Шул ук вакытта, Милонов исерек килеш балага узудан сакланырга һәм «хатын-кызларны эчертмәскә» кушкан.
«Мин хатын-кызларны 8 Мартта алкогольдән баш тартырга һәм бәйрәмне аек акылда каршыларга өндим. Аек хатын-кыз – искиткеч ул», – дигән депутат.