Удмуртия башкаласы Ижевскига дрон һөҗүме булган. Ленин урамындагы завод цехында шартлау булган, бинаның тәрәзәләре коелган. Бер кеше яраланган, калганнары эвакуацияләнгән, дип хәбәр итә Удмуртия башлыгы Александр Бречалов. Яраланучының хәле уртача авырлыкта.
Бу – Удмуртиягә беренче тапкыр дрон һөҗүме. Күрсәтелгән адреста электромеханик завод урнашкан. Анда хәрби продукция, шул исәптән, дроннар, атом станцияләре өчен җиһазлар эшләнелә.
Дрон һөҗүме камераларга эләккән.
