Дрон һөҗүме нәтиҗәсендә, бер хатын-кыз һәлак булган, нефть заводында янгын чыккан

Бүген төнлә Липецк, Белгород, Брянск, Орел, Ростов, Курск, Воронеж, Тамбов өлкәләрендә, Краснодар краенда, Адыгеяда дрон һөҗүме куркынычы игълан ителә, дип яза «Шот» һәм «База» телеграм-каналлары.

Төнге 2.30 тирәсендә Краснодар крае Афипский бистәсенә һөҗүм башлана, 4-5 шартлау ишетелә. Дроннар бәреп төшерелгән. «Лукойл-югнефтепродукт» нефть эшкәртү заводындагы цистернага ут капкан.

Краснодар краендагы Славянск-на Кубани шәһәрендә дрон шәхси йортка төшә, ул тулысынча җимерелгән. Йортта булган хатын-кыз һәлак булган, дип хәбәр итә край губернаторы Кондратьев.

Адыгея краендагы Энем бистәсендәге нефтебазага дрон төнлә һөҗүм итә, янгын башлана. Нәтиҗәдә АИ-95 бензинын җитештерә торган складта янгын чыккан. 1000 квадрат метр мәйданда янгын була.

Дрон һөҗүменнән соң Тамбов өлкәсе Платоновка авылы янындагы нефтебазада янгын башланган. Корбаннар юк.