Дөнья чемпионнары Илнар һәм Динә Закировлар гаиләсендә сөенеч: «Исем сайларга булышыгыз»

Танылган көрәшче, дөнья чемпионы Илнар Закиров социаль челтәрләрдә үзенең зур шатлыгы белән уртаклашты. Аларның гаиләсендә кыз бала дөньяга аваз салган. Аңа исем сайлыйлар: «Исем сайларга булышыгыз», – дип язган Илнар үзенең сәхифәсендә.

Аның тормыш иптәше Динә исә: «Көрәшергә җиңелрәк иде», – дип шаяртып язып куйган.

Динә – шулай ук танылган спортчы. Дзюдо буенча 2021 елда Россия чемпионы, билбау көрәше буенча 4 тапкыр Дөнья чемпионы исеменә лаек.

Закировлар гаиләсен әлеге куанычлы вакыйга белән ихлас котлыйбыз!