Татарстан трейдеры доллар һәм евро бәяләренә фаразлары белән уртаклашкан. Бу турыда «Челнинские известия» хәбәр итте.
Узган атнада чит ил валютасы бәясе арткан. Мәсәлән, евро 4,5 процентка артып, Мәскәү биржасында 68,8 сум тора. Доллар 3,5 процентка артып, 64,7 сум тора. Кытай юане 3 процентка арткан һәм 9,2 сум тора.
Россия компанияләренең күбесенең акцияләре арзанайган. Мәсәлән, Татнефть акцияләре бер атнада 3,2 процентка, КамАЗ акцияләре 2,7 процентка, Нижнекамскнефтехим акцияләре 7,2 процентка, Сбербанк акцияләре 3,7 процентка, Газпром акцияләре 2 процентка кимегән.
«Акцияләр санкцияләрнең яңа пакетын кертү алдыннан төште. Хәзер кайсыбер компанияләр позицияләрен кире кайтарыр, дип уйлыйм. Валютага килгәндә, нефть бәясе кимегәч, рубль дә йомшара. Экспортның күпкә кимүе дә йогынты ясый, әлбәттә, геосәясәт куркынычлары да», – ди трейдер Антон Миннуров.
Аның сүзләренчә, чит ил валюталары курсы артачак. Доллар 65-67 сум, евро 69-70 сум булачак, юань 10-20 тиенгә артачак, диелә бу хәбәрдә.