Документсыз орлык сатып алу нинди авыруларны үрчетергә мөмкин?
Сорауга Россельхознадзор идарәсенең фитосанитар күзәтчелек буенча бүлек җитәкчесе Альберт Кадыйров җавап бирә:
- Документы булмаган орлык сатып алганда, бакчачылар белмәгән сорт алудан тыш, бакчасына карантин үсемлек яки авырулар кертергә мөмкин. Болар: җиләк-җимеш агачларының бактерияле пешүе, калифорнийская щитовка, алтынсу нематода, төрле җимешашар кортлар.
Әйтик, җиләк-җимеш агачларының бактерияле пешү авыруы белән бер генә чир дә ярыша алмый. Бер куакта авыру булса, башка агач-куаклар да зыян күреп, һәлак була. Ул ботаклардан башланып, кәүсә аркылы тамырга төшә. Беренче чиратта, агачның бөре һәм чәчәкләре үлә. Зарарланган үсемлекне яндырырга кирәк. Шулай ук 10 метр радиуста булган барлык җиләк-җимеш агачларын юк итү сорала.
Россиядә бактериаль пешү авыруы Калининград, Самара, Саратов, Воронеж, Тамбов, Липецк, Белгород өлкәләре һәм Карачай-Черкесск республикасында теркәлгән.
Идарәгә әлеге төр авыруга шикләнгән бакчачылар мөрәҗәгать итә тора. Белгечләр урыннарга чыгып тикшерүләр үткәрә. Бәхеткә, республикада әлеге төр авыру табылганы юк. Алга таба да җиләк-җимеш агач-куакларын махсуслашкан кибетләрдән һәм документын карап кына алырга кирәк.