Һиндстанда бер ир хатынын пычак белән кискәләгән. Хатын иренә сәламәтлек, бәхетле тормыш теләп дога кылган чакта, ир ярсый башлаган. Бу турыда РЕН ТВ яза.
Мони Гупта исемле хатын һәм аның ире Маноджа өйдә үзләре генә була, балалары мәктәпкә китә. Хатын сөйгәне өчен матур теләкләр теләп дога кыла башлый. Ләкин ир ярсый, пычак ала һәм 10 тапкыр хатынга кадый.
Хатын кычкыра, бу тавышны күршеләре ишетеп ала һәм ярдәмгә киләләр. Ир исә куркып качып китә. Канга баткан хатын авыр хәлдә була, аны хастаханәгә илтәләр.
Туганнары сүзләренчә, ир белән хатын 22 ел бергә яши. Ире тиран була, хатынын гел кимсетеп тора. Фаҗига булырга 3 көн калгач, хатын полициягә мөрәҗәгать итә, ире кыйнаудан зарлана. Ләкин хокук саклаучылар хатынны яклап берни дә эшләми, диелә хәбәрдә.