Дистәләрчә боланның тылсымлы әйлән-бәйлән ясап йөргәнен видеога төшергәннәр
Үз-үзләрен саклау өчен сыерлар да шундый әйлән-бәйлән ясарга мөмкин, ди зоологлар.
Мурманск өлкәсендә яшәүче фотожурналист Лев Федоссев Ловозерово авылында төньяк боланнарының тылсымлы әйлән-бәйлән ясап йөргәнен видеога төшергән. Бу кадрларны РЕН ТВ күрсәтте.
Боланнарны квадрокоптердан төшергәннәр. Зоологлар аңлатканча, җәнлекләрнең бу гамәлләре үз-үзләрен саклау инстинкты белән бәйле.
Мондый әйлән-бәйләнне боланнар гына түгел, зубрлар, сыерлар һәм бизоннар кебек башка тояклы хайваннар да ясый.
Хайваннар шул рәвешле ана җәнлекләрне һәм балаларын ерткычлардан саклый, диелә хәбәрдә.
