Диспансеризация үткән һәм ГТО нормалары тапшырган очракта, налогны кире кайтарачаклар

Президент Владимир Путин диспансеризация узу һәм ГТО нормаларын тапшыру өчен ел саен салым кайтаруны (налоговый вычет) йөкләде, дип хәбәр иттеләр Кремль сайтында.

«Даими рәвештә диспансеризация узучы һәм «Хезмәткә һәм оборонага әзер» Бөтенроссия физкультура-спорт комплексы сынаулары (тестлары) нормативларын уңышлы үтәүче салым түләүчегә стандарт салым чигерүен алу хокукын бирүгә юнәлдерелгән чаралар күрергә», – диелә документта.

Путин шулай ук иргә (хатынга) һәм әти-әниләргә күрсәтелгән физкультура-савыктыру хезмәтләре өчен НДФЛ буенча социаль салымны кайтару турында тәкъдимнәр әзерләргә кушты.

Президент бу бурычны Хөкүмәткә һәм Халык фронтына куйды.