Динара Сәетбатталова беренче җырын яздырган
Ул җырны иҗат итүдә ярдәм итүчеләргә рәхмәт әйткән.
«Алга хәрәкәт итү өчен илһам кирәк. Минем күңелем җыр белән ял итә, җыр миңа илһам бирә. Хәлем начар булса да, яхшы булса да, җырлыйм. Теләсә нинди аңлашылмаган хәлдә дә — җырла. Бу җыр миңа бик якын. Мин профессиональ башкаручы түгел, каты бәрелмәгез», — дип язган беренче җырын яздырган Динара Сәетбатталова.
«Балама хат» дип аталган җырның авторлары — Галия Сафиуллина һәм Рамил Мифтахов.
«Күңелгә тия торган җыр», «Мәгънәле җыр», «Тыңлыйм да елыйм» кебек комментарийлар язганнар. Беренче җыры гына булуга карамастан, Динара тыңлаучыларның күңеленә үтеп керерлек итеп башкара алган.