Скрипкачы Динә Закирова сөенече белән уртаклашты. Ул «Мәдәнияттәге казанышлары өчен» билгесе белән бүләкләнгән.
«Минем хезмәтемне күреп, шундый югары дәрәҗәле бүләкләр белән бәяләүләре өчен җитәкчеләремә зур рәхмәт әйтәсем килә», – дип язган ул социаль челтәрләрдә.
«Син бик тырыш, чыннан да лаек. Котлыйм. Соңгысы булмасын», «Лаеклы хезмәтнең лаеклы бүләге», «Тагын да зур үрләр яуларга язсын. Сөенечегез дәвамлы булсын», «Динә, сез бу бүләккә бик лаек. Сезнең чыгышларыгыз да искиткеч», – дип котлаган музыкантны дуслары.
