Җырчы Динә Латыйпова социаль челтәрләрдә Фидан Гафаровның бик моңлы итеп гармунда уйнап җырлаган видеосын күрсәтте.
«Хуш, моң иясе… Хуш, җырларыңда яшьлегем кайтавазын чагылдырган Фидан абый!
Җан сыкрый... Эх, яшәтәсе килә иде бит әле… Бу язманы үзем төшергән идем. Сез җырладыгыз, мин төшердем. Юбилеегызда тыңлатырмын, дип уйлаган идем. Кем уйлаган. Беребез дә белми. Урыныгыз җәннәттә булсын, моңлы фәрештә. Оҗмах бакчаларында сайрар кошлар кирәктер шул.
Хуш, Фидан абый. Якыннарыгыз һәм моң сөйгән халкымның кайгысын уртаклашам» , – дип хушлаша Динә Латыйпова легендар җырчы белән.
Россиянең, Башкортстанның һәм Татарстанның халык артисты, Башкорт драма театрының танылган актеры Фидан Гафаров 27 апрель көнне вафат булды. Аңа 77 яшь иде.
- Татарстанның һәм Башкортстанның халык артисты Фидан Гафаров вафат
- Фидан Гафаров турында: «Без Фидансыз заманда калабыз, һаман саегабыз, ятимләнәбез»
