Вилли белән Гөлназ Асаеваның кызларын социаль челтәрләрдә даими күрсәтеп баралар. Бу юлы әтиләре, кечкенә Динәне күтәреп, Сабан туе сарыгы янында төшкән. «Аю хәтле сарык, әстәгым», – дип язып куйганнар.
Укучылары «йоны кыркылмаган», «тоягы киселмәгән» дип сарыкны «тикшергән» дә, Динәгә күчкәннәр.
«Динә һаман да соска имәме?» – дип сораган берсе.
Аны хуплап алганнар: «Картаеп бара бит инде. Һаман авызында соска! Инфекция чыганагы»;
«Прикус начар була, диләр».
Аларга каршы да төшкәннәр: «Кияүгә чыгарга вакыт бит инде, дип языгыз»;
«Кияүгә чыгарга соң, картайган бит инде»;
«Сез үзегез картайган»;
«Мин картайганмын, сүз дә юк, ә сез шаяртып әйткәнне аңламыйсыз»;
«Һичшиксез бер «минус» табып, комментарий бирергә кирәк»;
«Сарыкны төшергәннәр, ә баланы «чәйни» башладылар, имсен, соскасында ни эшегез бар?»
«Атасына охшаган кызлар бәхетле була, диләр, шулай булсын. Ну безнең халык – берсе гаеп тапса, калганнары хупларга гына тора!» – дип нокта куйганнар.
