Динә Латыйпова ире Рафаэль Латыйпов турында: «Гомере буе кызлар яратты»
Җырчы тормыш иптәшен бер матур кыз белән фотога төшереп алган.
Динә Латыйпова тормыш иптәше Рафаэль Латыйповны Татарстан республикасының халык артисты Резедә Төхвәтуллина белән фотога төшергән.
«Вәт, Латыйпов абыегыз! Гомере буе матур кызлар яратты, ярата, яратыр да ахры. Яратмаслык та түгел бит!
Татарстаннын халык артисты, талантлы шәхес, чибәр Резедә Төхвәтуллинаны кем яратмас. Аның уйнаган рольләре, геройлары! Аның җырлары!
Рафаэль абыең белән икебез дә талантыңа гашыйкбыз, үзеңне яратабыз», — дип язган ул инстаграмга.
Инстаграм дуслары да Резидә Төхвәтуллинаның искиткеч шәхес булуы белән килешкәннәр. Ә Рафаэль Латыйповка беретын салып, түбәтәй кияргә вакыт дип комментарий калдырганнар. Динә Латыйпова иренең түбәтәйне дә яратып киюе турында язып куйган.