Фото: Диләрә Илалетдинованың "Телеграм" каналыннан
Җырчы Диләрә Илалетдинова социаль челтәрдәге сәхифәсендә моңсу гына төшкән аклы-каралы фотосын урнаштырган, өстәвенә, болай дип язып куйган:
«Кызганыч, тормышта без хәл итә алмаслык вакыйгалар да булып тора. Барысы да без планлаштырганча гына килеп чыкмый», – дигән Диләрә һәм икегә ярылган йөрәк рәсеме дә куйган.
Бу күренеш җырчының виртуаль дусларын пошаманга салган. «Нәрсә булды?», «Куркытма», – дип язганнар алар. Без дә борчылып, әлеге сорауга ачыклык кертергә теләп, Диләрә белән элемтәгә кердек. Ләкин җырчы күңелсез генә: «Бу турыда сөйлисем килми, гафу итегез», – дип җавап бирде.
Ни генә булса да, Диләрәгә уңышлар, күңелсезлекләрнең артта калуын телибез.
Фото: Диләрә Илалетдинованың социаль челтәрдәге аккаунтыннан
