Җырчы Дилә Нигъмәтуллина зур планнар белән, яңа җыр яздырырга дип, студиягә барган, ләкин ниятләрен чынга ашыра алмаган. Соңгы вакытта җырчының тавышы белән проблемалар башланган. Ул, әлбәттә, Ходай биргән табигать бүләге, төп «коралы» – тавышының яңгырамавына бик тә борчыла. Җырчы бу хакта социаль челтәрләрдә дә уртаклашкан.
«Бүген яңа җырымны яздырырга дип студиягә барган идем. Килдем дә җырлый алмадым. Юк тавыш! Просто тавыш юк! Кәефем төште», – дигән ул.
