Дилә Нигъмәтуллина түбә ябучы әтиләре турында: «Берсенә — 71, икенчесенә 73 яшь»
Дилә Нигъмәтуллинаның гаиләсе өчен җәй шактый стресслы булды. Аның ире һәм кызы Яльчиктагы давыл вакытында могҗиза белән исән калды, озак та үтмәде кайнана-кайнаталарының мунча һәм тавык абзарында янгын чыкты.
Ахырдан, ул янгын сүндерүчеләрнең тиз килеп җитүе, янгынны сүндерүләре хакында әйтте. «Барысы да исән-саулар», — дип тынычландырган иде «подписчик»ларын.
Җырчы социаль челтәрдәге сәхифәсендә янгыннан соң түбә ясаулары турында хәбәр итә.
«Әти 2 көн элек, бераз ярдәм итәм, дип киткән иде, түбәне ябып та бетерәләр икән инде. Ике бабай. Берсенә 71 яшь, икенчесенә 73 яшь. Сөбханалла. Исән-сау гына булсыннар», – дип язган ул, әтиләренең түбә япкан фотосын куеп.
