Дилә Нигъмәтуллина үзенең иҗади тормышында үзгәрешләр булуын әйтте. Җырчы продюсерлык белән шөгыльләнә башлаган.
«Бүгеннән тормышымда яңа этап башлана. Әйе, без моны эшләдек. Игътибарыгызга өр-яңа «Yаlкын» кавер-төркемен тәкъдим итәм.
Безнең идеяләр, планнарыбыз һәм сезгә яхшы кәеф бүләк итү теләгебез бик зур.
Татарча һәм русча җырлар, автор композицияләреннән торган әзер программабыз бар. Безгә уңышлар теләсәгез, без бик рәхмәтле булыр идек», – дип язган җырчы социаль челтәрләрдә.
Төркемнең төп солисты – Камал театрында тавыш режиссеры булып эшләүче Илдар Харисов.