Дилә Нигъмәтуллина кайнанасы белән бик яхшы мөнәсәбәтләрдә булуының серен чишкән. Баксаң, килене кунакка килер алдыннан, кайнанасы авызын скотч белән ябыштырып куя, ә Дилә колакларына мамык тутырып килеп керә икән. Барысы да гади генә – берсе артык сүз сөйләми, икенчесе кирәкмәгәнне ишетми, кыскасы.
Дилә әлеге видеоны социаль челтәрләренә куйды. Язылучылары видеоны карагач кәефләре күтәрелү турында язалар, елмаюлы смайллар белән комментарийлар калдыралар.
Кайнанасын мондый роликта төшәргә күндерә алгач, мөнәсәбәтләре чыннан да ак көнләшү белән көнләшерлектер.