Дилә Нигъмәтуллинаның социаль челтәрдәге сәхифәсенә язылучыларга Буся кушаматлы мәче яхшы таныш. Ул җырчының «подписчиклар»ы белән бергә үсте, балалар үстерде, алар белән аерылышу мизгелләрен кичерде.
Хәзер дә җырчы Бусяның тормышындагы яңалык белән бүлешә. Ул беренче тапкыр әби булган! Аның «кызы» балалаган. Бу хакта җырчыга яңа хуҗалары хәбәр иткән. Алар җырчы белән элемтәдә, песиләрнең фото-видеоларын җибәреп торалар икән.
«Буся, син бит әби булдың», – дип сыйпый аны җырчы. Ә мәче әби статусында иркәләнеп ята.
