Диләрә Илалетдиновадан трубочка рецепты
«Балачакның татлы ризыгы. элек аны бик еш пешерәләр иде», — ди җырчы.
Камыр өчен: 5 йомырка, 1 стакан шикәр комы, 1 стакан он, 200-250 грамм маргарин.
Ингредиентларны бергә салып камыр ясарга. Махсус форманы утка куеп кыздырып алырга, үсемлек мае белән майларга һәм камыр салырга. Трубочканың ике ягын да кыздырып алырга һәм кайнар килеш төрергә кирәк.
Трубочканың эченә үзегез яраткан кремны да сылый аласыз.
Әгәр трубочкаларның йомшак булуын теләсәгез пакетка тыгып куя аласыз. Кетердәп торган трубочка яратучылар татлы ризыкның өстен капламый.
