Хачапури өчен ингредиентлар: 150 мл җылы сөт, бер бал калагы коры чүпрә, 1 бал калагы шикәр комы, 300 грамм он, 1 бөтен йомырка, 1 йомырка агы (сарысын майларга калдырырга), тоз, 2 аш калагы үсемлек мае, 300 грамм сулугуни сыры.
Эш барышы: җылы сөткә шикәр комы һәм чүпрә салырга, берничә минутка калдырырга.
Онны иләргә, бер йомырка белән тоз салырга;
Камырны бер сәгатькә кабарырга калдырырга;
Сырны угычтан уарга;
Камырны кул белән бераз изәргә һәм җәяргә. Уртасына сыр шарчыгы куярга һәм камырны пәрәмәч ясаган кебек җыярга. Җыелган ягын аска калдырып, 0,8-1 см итеп җәяргә;
Хачапурины йомырка сарысы белән майларга һәм өстенә бераз сыр сибәргә. 180 градуска кадәр кызган духовкада 15 минут пешерергә.
Духовкадан алгач, атланмай белән майларга.