Диләрә Илалетдинова теплицадагы яшелчә уңышын күрсәтте
Җырчының яшелчәләре уңган.
Җырчы Диләрә Илалетдинова бакча эшләрен социаль челтәрләрдә күрсәтеп тора. Бу юлы ул теплицадагы яшелчә уңышын видеога төшергән.
«Күбегез директка бакчаңны күрсәтүдән туктадың, ничек үстерәсең, карыйсың дигән сораулар җибәрәсез. Бигрәк тә теплицадагы яшелчәләр белән кызыксынасыз», — дип язган ул видео янына.
Җырчының бакча уңышын «супер» дип бәяләгән инстачылар.
«Кыярларыгызның яфраклары яшел, нәрсә белән тукландырасыз?», «Помидор төбендә саламмы, печәнме?» — дип кызыксынган җырчының виртуаль дуслары.
