Дилә Нигъмәтуллинаның каенанасы вафат...

"Бүген ничек кенә елмаерга теләсәм дә, күзләрдәге кайгы-хәсрәтне яшереп булмый торган көн... Миңа ярдәм кулы сузган коллегаларыма, дусларыма бик зур рәхмәтемне белдерәсем килә. Һәм, әлбәттә, тамашачыга рәхмәт! Бары тик сезнең җылы алкышлар күңелемне юатты", - дип язган Дилә. Җырчы Төмәндә узган концерттан соң туры Казанга кайткан.

Дилә Нигъмәтуллинаның каенанасы Халидә апа тормыш иптәше белән ике ул үстергән: аранжировщик Марат Мухин һәм Маратның абыйсы Ленар. Ул "Татар радиосы" алып баручысы Гөлназ Сәфәровага өйләнгән.

Диләнең иҗатташ дуслары әйтүенчә, Халидә апага кинәт инсульт булган...

Мухиннар гаиләсенең тирән кайгысын уртаклашабыз, күркәм сабырлык телибез. Мәрхүмәнең урыны җәннәттә булсын!..