Дилә Нигъмәтуллинаны фотода дөрес төшмәүдә гаеплиләр: «Бу гөнаһ!»
Җырчы абыйсы Булат Нигъмәтуллин белән төшкән фото куйган.
Җырчы Дилә Нигъмәтуллина карап торышка бер гаепсез фото куйган. Әмма виртуаль дусларының берсе җырчыны кулын дөрес куеп төшмәвен язган.
«Без мөселманнарда кулны кендектән аскы якта тоту гөнаһ. Сезнең күргәнегез бардыр, элегрәк кулны я артка куялар иде, я алга кендектән өскә», дип язган ул.
«Нәрсә ярамый, нәрсә ярый аны инде һәр кеше үзе билгели. Гөнаһсыз кеше юк», дип җавап биргән җырчы.
Диләне инстадуслары да яклап чыккан. Бу комментарийны калдырган ханымга ачулары килгән.
«Сез нәрсә сөйлисез. Уф! Гөнаһсыз мөселманны күрсәтегез әле миңа»;
«Әйтәм аны дуңгыз мае ашамыйлар, тәмәке дә тартмыйлар, аракыны турында сүз дә әйтмим инде! Тапкансыз нәрсә сөйләргә»;
«Аллам, үләм мин бу комментарийларны укып. Сез бигрәк белгеч икән! Беләсезме, белмисезме — өйрәтәсез, тыкшынасыз! Акыл сатып утырмагыз монда, мөселман кешесенә килешми! Үзегезне тикшерегез!».
