Дилә Нигъмәтуллина үзенең «Барс-медиадан тибеп чыгарылган җырчы» булмавын әйткән
«Барс медиа» белән эшләгәндә төрле вакытлар булды, дип яза җырчы.
Ландыш Нигъмәтҗанова, «Барс-медиа» медиахолдингыннан «тибеп чыгарылган» җырчылар турында сүз барганда, Ландыш Нигъмәтҗанованы да телгә алган иде. Дилә Нигъмәтуллина үзенең бу исемлектә булмавын әйткән.
«Хөрмәтле дуслар! Эстрадабыздагы соңгы вакыйгалар мине дә читләтеп узмады. Бик күп сораулар килә… Журналистлар комментарийлар сорыйлар…
Ландыш үзенең журналистлар белән булган очрашуында минем исемне дә әйтеп китте. Чынлап та мин bars_media компаниясе белән 2003 елдан алып 2010 елга кадәр эшләдем. Контракт беткәч, мин аны үз теләгем белән озынайтмадым. «Артка тибеп чыгардылар» дип уйламый иде, башкалар шулай дип уйласа да…
Контракт беткәнгә инде озакламый 10 ел була. «Барс медиа» белән эшләгәндә төрле вакытлар булды, гөрләп эшләгән вакытлар да, аңлашылмаучанлыклар да… Күңеллеләре күбрәк искә төшә ничектер. Әмма ул узган-беткән.
Хәзерге вакытта мине алар белән коммерция шартларында хезмәттәшлек итәбез. Проблемалар булды дип әйтә алмыйм.
Ә Динә Маратовна белән якыннан танышкан да юк. Бу низагның ахыры хәерле генә булсын инде. Мин бары тик татулык өчен.
Тагын шуны өстәп әйтәсе килә: без Ландыш белән бүген элемтәгә кердек. Мин аны әни буларак та, җырчы буларак та хөрмәт итәм. «Мин синең фамилияңне, „Барс медиа"да эшләгән вакытта «җәза кичергән җырчы буларак, әйттем», — диде. Үткәннәрне искә төшерүнең хәере булмас. Аллаһы тәгалә барысын да күрә бит ул», — дип язган Дилә Нигъмәтуллина.
«Кайгырмагыз шулкадәр. Аларның артларын да тибәрләр. Барыгызны да тамашачы ярата, тыңлый. Барыгыз да тамашачы арасында яшисез бит. Авыр билгеле, аңлыйбыз», — дип язалар.