Дилә Нигъмәтуллина нык ябыккан фотосын күрсәтте
Җырчы үзизоляциядә ашарга пешерергә яратмавын аңлавы турында язган.
Дилә Нигъмәтуллина аш-су бүлмәсендә фотога төшкән. Фото янына: «Үзизоляциядә ашарга пешерергә яратмавымны аңладым. Элек пешеренергә яратам дип саный идем. Көн саен аш-су бүлмәсендә әзерләмәгәнгә шулай тоелган, ахры.
Пандемия тәмамлангач, мин ким дигәндә бер атна аш-су бүлмәсенә кермәячәкмен. Аш-су бүлмәсе ачуын чыгарган кешеләр бармы?» — дип язган җырчы.
Диләнең виртуаль дуслары иң элек аның нык ябыгуына игътибар иткән.
«Бик каты ябыккансыз»;
«Каты ябыккансыз, иммунитетыгыз какшаячак»;
«Миңа калса артык ябыккансыз», — дип комментарийлар калдырган алар борчылып.
Җырчы: «Үлчәү күрсәткече буенча мин гел шул ук авырлыкта. Ике ел инде бу минем даими авырлыгым», — дип тынычландырган тугры тамашачыларын.
Инстачылар арасында җырчының тарафдарлары да бар. Алар да аш бүлмәсеннән туйганнар, пешерергә яратмыйлар икән.
«Бу чорда күп хатын-кызда аш-су бүлмәсенә „аллергия“ башлангандыр»;
«Биш балам бар, ирем, рәхәтләнеп әзерлим»;
«Минем бу үзизоляциядә талантым ачылды. Яратып пешерәм»;
«Базарга барам! Базарда йөрисем килә. Җыен килделе-киттеле кибетләрдә йөреп, базарның нәрсә икәнен оныттык. Алсам-алмасам да, базарга барып, көне буе карап, сатулашып, йөреп кайтам. Кайсы базарга икәнен генә ачыклыйсы калды»;
«Бик яратып матур аш-су бүлмәмдә пешерәм. Заказлар да алам», - кебек комментарийлар калдырганнар.
⠀